ខ្សែការពារ Nathan Ake របស់ Manchester City បានត្រលប់មកហ្វឹកហាត់ជាក្រុមវិញហើយ ដែលជាសញ្ញានៃការវិលត្រលប់ទៅកាន់ក្រុមដំបូងវិញ បន្ទាប់ពីរបួសសរសៃពួរ។

Ake ដែលបានបង្ហាញខ្លួនចុងក្រោយកាលពីថ្ងៃទី 10 ខែកញ្ញា បានខកខានការប្រកួតចំនួន 7 សម្រាប់ក្រុម Man City ដោយសារតែបញ្ហារបួសអំឡុងពេលលេងឱ្យហូឡង់ទល់នឹងអាល្លឺម៉ង់។

យោងតាមអ្នកជំនាញការផ្ទេរ Fabrizio Romano ខ្សែការពារសញ្ជាតិហូឡង់ឥឡូវនេះ សម 100% និងអាចរកបានក្នុងពេលឆាប់ៗនេះ ។

អ្នកចាត់ការទូទៅរបស់ Man City លោក Pep Guardiola ធ្លាប់បានបង្ហើបពីការវិលត្រឡប់របស់ Ake ដោយនិយាយថា ខ្ញុំរំពឹងថាគាត់ត្រលប់មកវិញបន្ទាប់ពីសម្រាកអន្តរជាតិ" ។

ទោះជាយ៉ាងណាក៏ដោយ លោក Guardiola បានដាស់តឿនថា Ake ត្រូវការពេលវេលាដើម្បីស្តារឡើងវិញនូវកាយសម្បទាពេញលេញ មិនដូចកីឡាករមួយចំនួនដែលអាចត្រលប់មកហ្វឹកហាត់វិញបានលឿននោះទេ។

លោក Guardiola បានបន្ថែមថា ព័ត៌មានដែលខ្ញុំមានកាលពីម្សិលមិញគឺថាគាត់បានចាប់ផ្តើមហ្វឹកហាត់នៅលើទីលាន ហើយយើងនឹងឃើញ។

ការត្រលប់មកវិញរបស់ Ake នឹងផ្តល់នូវការជំរុញដ៏សំខាន់ដល់ការការពាររបស់ Man City ដែលបានទប់ទល់នឹងអវត្តមានរបស់គាត់។