យោងតាមកាសែត The Times បានឱ្យដឹងថា Man United បានយល់ព្រមលើលក្ខខណ្ឌផ្ទាល់ខ្លួនជាមួយខ្សែការពារ Jarrad Branthwaite របស់ Everton មុនពេលការផ្លាស់ប្តូរនៅរដូវក្តៅ។

បិសាចក្រហមបានយល់ព្រមលើកិច្ចសន្យារយៈពេលច្រើនឆ្នាំជាមួយកីឡាករវ័យ 21 ឆ្នាំ និងបានយល់ព្រមលើការដំឡើងប្រាក់ឈ្នួលដ៏ច្រើនសម្រាប់គាត់ផងដែរ។

ជាក់ស្តែង Man United បានត្រៀមខ្លួនរួចជាស្រេចក្នុងការផ្តល់ឱ្យគាត់នូវកញ្ចប់ប្រាក់ឈ្នួលប្រហែល 150.000 ផោនក្នុងមួយសប្តាហ៍ ប្រសិនបើគាត់បិទការផ្លាស់ប្តូររបស់គាត់ទៅកាន់ Old Trafford ។

បច្ចុប្បន្នគាត់ត្រូវបានគេរាយការណ៍ថាទទួលបានប្រហែល 35.000 ផោនក្នុងមួយសប្តាហ៍នៅឯក្លឹប Everton ដែលមានន័យថាកីឡាករអង់គ្លេសអាចឃើញប្រាក់ខែរបស់គាត់កើនឡើងបួនដងប្រសិនបើគាត់ចូលរួមជាមួយបិសាចក្រហម។

Man United មិនទាន់យល់ព្រមលើតម្លៃផ្ទេរដែលអាចមានជាមួយ Everton នៅឡើយទេ។ Toffees ឱ្យតម្លៃគាត់ប្រហែល 70 លានផោន។

ប៉ុន្តែមន្ត្រីរបស់បិសាចក្រហមមានអារម្មណ៍ថាការយល់ព្រមលើកិច្ចព្រមព្រៀងជាមួយអ្នកតំណាងរបស់ Brantwaite គឺជាជំហានមួយក្នុងទិសដៅត្រឹមត្រូវ។