ទេពកោសល្យរបស់យុវជន Omari Forson គ្រោងនឹងចាកចេញពី Manchester United លើការផ្ទេរដោយឥតគិតថ្លៃនៅរដូវក្តៅនេះ បន្ទាប់ពីបដិសេធសំណើកុងត្រាថ្មីជាច្រើន។

បើទោះបីជាដំបូងឡើយ កីឡាករវ័យ 19 ឆ្នាំត្រូវបានគេរំពឹងថានឹងចុះហត្ថលេខាលើកិច្ចព្រមព្រៀងថ្មីមួយ ប៉ុន្តែការពិភាក្សារវាងភាគីទាំងពីរបានបែកបាក់គ្នា នេះបើយោងតាមសារព័ត៌មាន Manchester Evening News ។

បិសាចក្រហមសង្ឃឹមថា ខ្សែប្រយុទ្ធវ័យក្មេងដែលបានបង្ហាញខ្លួនជាលើកដំបូងក្រោមការដឹកនាំ Erik ten Hag អាចពិចារណាឡើងវិញនូវការសម្រេចចិត្តរបស់គាត់មុនដំណាច់ខែនេះ។

Forson បាននិងកំពុងស្វែងរកជម្រើសផ្សេងទៀតក្នុងរយៈពេលប្រាំមួយខែចុងក្រោយនេះ ប៉ុន្តែ Man United នឹងទទួលបានថ្លៃសំណងប្រសិនបើគាត់ផ្លាស់ទៅក្រុមថ្មី។