ក្លឹបតោខៀវ Chelsea បានកំណត់គោលដៅថ្មីក្នុងការនាំអ្នកចាំទីឆ្នើមម្នាក់ ដើម្បីយកជំនួសតំណែងរបស់ Kepa Arrizabalaga នៅរដូវក្តៅខាងមុខ ។

តាមពិតគេចង់សំដៅទៅ កីឡាករ Sam Johnstone របស់ក្លឹប West Brom ដែលកំពុងបង្ហាញទម្រង់់លេងយ៉ាងល្អ ខណៈដែលរូបគេអាចនិងចាកចេញនារដូវក្តៅខាងមុខដោយគ្មានតម្លៃខ្លួន ។ ទោះជាយ៉ាងណា ក្លឹបបិសាចក្រហម Manchester United ហាក់បង្ហាញការចាប់អារម្មណ៍លើអ្នកចាំទីរូបនេះដែរ ។

គួរបញ្ជាក់ថាតាំងពីការមកដល់របស់ Edouard Mendy អ្នកចាំទីអេស៉្បាញ​ Kepa ហាក់មិនសូវមានឱកាសបង្ហាញខ្លួនឡើយ ដែលជាហេតុនាំអោយរូបគេចង់ចាកចេញ ដើម្បីស្វែងរកឱកាសលេងនៅជម្រើសដំបូង ។ 

គួរបញ្ជាក់ថា​អ្នកចាំទីសញ្ជាតិអេស្ប៉ាញរូបនេះ បានចូលរួមជាមួយក្រុមតោខៀវ ក្នុងតម្លៃបំបែកកំណត់ត្រាក្លិប ៧២ លានផោនពី Athletic Bilbao ក្នុងឆ្នាំ ២០១៨ ៕

ប្រភព : The Sun