យោងតាមសារព័ត៌មាន The Telegraph បានឱ្យដឹងថា Arsenal កំពុងពិចារណាលើការផ្លាស់ប្តូរមួយដើម្បីចុះហត្ថលេខាលើខ្សែប្រយុទ្ធ RB Leipzig Benjamin Sesko ។

ក្រុមកាំភ្លើងធំបានបង្ហាញចំណាប់អារម្មណ៍ពិតប្រាកដលើកីឡាករវ័យ 20 ឆ្នាំរួចទៅហើយ។ ភ្នាក់ងាររបស់ Sesko បានចូលរួមនៅ Old Trafford កាលពីថ្ងៃអាទិត្យ 12 ឧសភា ដើម្បីមើលក្រុមកាំភ្លើងធំយកឈ្នះ Man United ។

ខ្សែប្រយុទ្ធសញ្ជាតិស្លូវេនីរូបនេះក៏កំពុងទាក់ទាញចំណាប់អារម្មណ៍ពីក្លឹបផ្សេងទៀតជុំវិញការផ្លាស់ប្តូររដូវក្តៅនេះ។

Arsenal បច្ចុប្បន្នកំពុងផ្តល់អាទិភាពក្នុងការពង្រឹងជួរមុខរបស់ពួកគេ និងចុះហត្ថលេខាលើខ្សែប្រយុទ្ធកំពូល Sesko មានលក្ខខណ្ឌដោះលែង 43 លានផោនដែលបានបញ្ចូលទៅក្នុងកិច្ចសន្យា Leizpig របស់គាត់ដំបូង។

Sesko ស៊ុតបញ្ចូលទីបាន 13 គ្រាប់ និងបញ្ជូនបាល់ឱ្យមិត្តរួមក្រុមចំនួន 2 ដងក្នុងការបង្ហាញខ្លួន 30 លើកសម្រាប់ក្រុម Leipzig នៅរដូវកាលនេះ។